Gloria Berloso ON ARTISTA MILANES
IN DE LA VITA FRANCES
Roberto Sironi, artista, cantautor, pittor e regista, l’è staa definì dai giornài francés ” On italian gentilòmm”.
M’ è capità de chattee con Roberto in d’ on famòs sit e hoo capì sùbit d’ aver conossù on vero artista, umil e gentil, passional e sincer. El sò nom me’l ricordavi e l’hoo collegà al Festival Internazional del film de Cannes 2008 indoe el Studio 13 el haa proiettaa el primm film, scritt e dirett da Roberto Sironi “Film di notte“. Ma Roberto a l’è pussee: el scriv canzon e le interpreta cont grand stil. El sé trasferì a Parigi, la città dell’arte, della musica, dei sonador de strada, el sè esibì per pochi franc. Poeu l’artista el se sposta in Germania, in Svizzera, in Belgio e in Inghilterra indoe el haa partecipà con Ennio Morricone al Festival “Only Connect” al Barbican Centre de Londra, el trova consens da part della critica e del pubblic.
L’artista che el haa al sò attiv vòtt Albums, el sé aggiudicà il Premio Lunezia 2009 per la qualità musical-letteraria di sò canzon, el Premio Id&m 2009 – identità e musica-, el Premio Dino Gabiazzi 2010 per la cultura milanes.
Roberto Sironi a l’è milanes e nella sua Milan el è tornà a viv, dando vita a on progètt per fa on omagg ai sò origin e alla Francia, el paes che l’ ha accettà e scopèrt, cont el spettacol “Swing, manouches e baùscia” in “lingua” milanes.
In ona ’intervista Roberto Sironi el dis: ” La roba ch’el ma strià di mè origin milanes a l’è la lingua milanes, che in Italia a l’è considerada cume on dialett ch’el ven dalla lingua italiana…l’è minga vera! Bisogna ricercà le origin della lingua milanes in di lingu gallo-roman, indoe troeùvom el frances che l’è sicurament la lingua straniera pussee visina al milanes.”
Roberto Sironi el ha scritt canzon in italian e poeu in frances e dopo avègh troeùva di assonanz, di accent e di similitudin che hann certificà on’origin linguistica comun el ha vorsuu da on sens al sò noeuv spettacol teatral e poeu el ha realizzà on album registrà in presa diretta, intitolà “Paradìs”. La canzon l’è minga dumà on test e ona musica, ma qualsiasi sia la storia che la racconta, a l’è prima de tutt on’interpretazion sintetica d’on mond al quale appartegnen sia l’interprete ch’el scoltador La canzon a l’è on linguagg ch’el rispetta le diversità tra etnie, e la rappresenta le identità de tucc i popoli e le lor cultur.
Paradìs a l’è stà registrà allo Spazio Teatro 89 de Milan a dicembre 2009 e prodòtt da Roberto Sironi. I test e le musiche sont de Roberto Sironi. La musica de Maigret e i arrangiament de Alessandro Sironi, raffinà pianista e fioeu de Roberto.
Gli artista che hann collaborà alla sua realizzazion sont:
Roberto Sironi, vos e ghitara / Alessandro Sironi, piano e tastere / Elisabeth Boudjema, violin e còri / Alberto Ferrari, clarinett, sassofono sopran/alto/tenor, sassofono baritono / Andrea Mandelli, clarinett e sassofono tenore/ Roberto Mattei, contràbass.
El CD el contegn 16 brani in ” lingua “milanes e l’è minga in commercio. Per gustà la musica bisogna andaa a scoltà l’artista in concert!
